Google+ Badge

என் பயணத்தின் இடையே ,, சில வினாடி எண்ணங்கள்,, உங்களோடு பகிர்ந்தபடி..

My photo
கோயம்புத்தூர், தமிழ்நாடு.., India
இப்புவியை ஆழமாக,, சுவாசித்தபடி,, நிச்சயம் மரணிப்பேன்,, ஓர் நாள்.. ** பேரன்பை பேசும்,, என் ஆன்மா,, அழகிய உறவுகளின்,, நினைவுகளை,, அழியாமல் பாதுகாக்கும்,, நான் மீண்டும் பிறப்பெடுக்கும் வரை..

Monday, 17 December 2012

புழுதி காடு..

** நினைவுகள் **

எனக்கு பிடித்த,

புழுதி காடு..

**
வெற்று காலில்,

புழுதி படிய,

முட்கள் பாதம் கிழிக்க,

மண் தூவி, ,

மருத்துவம் செய்து ,

ஓடி திரிந்ததொரு காலம்..

**
ஆங்காங்கே,

சர்ப்பம் கண்டு,

பயந்து ஒளிந்ததொரு காலம்..

**
இரவு நேரங்களில்,

இந்த புழுதி காட்டின் மத்தியில்,

கூரை வீட்டின் வெளியே,

உறவுகள் இணைந்து,

உறங்கியதொரு காலம்..

**
எல்லாம் தித்திப்பு நினைவாக,

கண்ணீர் சுமந்தபடி,

இன்று நான் வெறும்,

புழுதி காட்டை தரிசிக்கிறேன்,

தனிமை சூழ..

சிறிது காமம் சேர்த்து..

காதலை கொண்டாடி, 
காதலோடு, 
சிறிது காமம் சேர்த்து, 
உன்னோடு, 
வாழ்வு துவக்கிட, 
ஆசை எனக்கு..

உன் இதழ்களில்,
ஒளிந்திருக்கிறது,
உன் சம்மதம்...

உன் இதழ்களை,
நோக்கி,
காத்திருக்கிறேன்,
தவிப்பாக..

அரசியல்வாதிகள்..

அந்தி பொழுதில்,,

அவர்கள்,

வெளிநாட்டு குளிர்பானங்கள்,,

வெளிநாட்டு உணவுகளோடு,,

கடற்கரையோர பளபளக்கும்,,

உணவகங்களில்,,

கை நிறைய சம்பளம் பெரும்,,

இளைஞர்களும் ,,

இளைஞிகளும்,,

காதலித்தபடி,,

அல்லது,,

கதைகள் பேசியபடி,

உலகை மறந்து..

மகிழ்வோடு இருக்கிறார்கள்..

வாழ்த்துக்கள்..

****
அங்கே,,

கொட்டடி சாலைகளில்,,

அடைபட்டு,

வீடிழந்து,, எல்லாம் இழந்து,,

சதைகள் பிய்ந்து,

வலிகளோடு,,

கதறல்களோடு,,

போராடும் இளைஞர்கள்,

இளைஞிகள்,,

மற்றும் முதியோர்..

இவர்களுக்கு வாழ்க்கையே போராட்டம்.

கை கொடுப்பார் யாருமில்லை..

**
அவர்களுக்கோ,,

எதை பற்றியும் கவலை இல்லை.

கை நிறைய சம்பளம்,,

தன் வாழ்க்கை,,

காதல் என்ற பெயரில்,,

அழகிய பெண்ணோடு சிநேகிதம்,,

பொழுதுபோக்கு என்றபடி..,

கழிகிறது அவர்கள் பொழுது.

**
இவர்கள் கேள்விக்குறிகளை சுமந்தபடி.

உலகெங்கும் இந்த வேறுபாடுகள்,,

நிறைந்திருக்கின்றன..

**
அப்பட்டமான சுயநல பதவி,, இன வெறி,,

பிடித்தவர்களும்,,

ஊழல் செய்து சொத்து சேர்பவர்களும்,,

அரசியல்வாதிகளாக இருக்கும் வரை,,

தொடர்ந்து இந்த வேறுபாடு இருந்து கொண்டேதான் இருக்கும்..

இந்த வேறுபாடுகள்தான்,,

அரசியல் பிழைப்போரின் பிழைப்பிற்கு வழி..

**
அரசியல்வாதிகள்..

என்றுமே வெறுப்பிற்கு உரியவர்களே,,

இந்நிலை தொடர்ந்தால்..

இது காதல் அன்றி....

** பிரியமுடன் **

என் பிம்பங்கள்,

உனக்குள் கால போக்கில்,

தொலைந்து போகும்..

என் நினைவுகள்,

உன்னுள் அழிந்தும் போகும்..

*
எல்லாம் மாயை என்று,

வாழ்வும் நகரும்...

**
ஆனால்,

வாழ்வின் ஏதோ ஒரு கணத்தில்,

அல்லது,

கஷ்ட கணத்தில்,

உனக்குள் நிச்சயம்,

நான் அல்லது,

என் காதல் அதிர்வு,

ஒரு வினாடி நேரம்,

வந்து போகும்..

**
இது நிதர்சனம்..

இது காதல் அன்றி வேறில்லை..

** பிரியமுடன் நான் **

** பிரியமுடன் **

** பிரியமுடன் **

மனம்,

மெலிதாய் அதிரத்தான் ,

செய்கிறது இன்னமும்,

உன்னை காணும்போதெல்லாம். ..

**
என் செய்ய?

இன்றைய சூழல்,

மௌனிக்க மட்டுமே..

**
ஏனோ,

இப்போது, மனதும் சேர்ந்து,

மௌனிக்கிறது..

**
சூழல் புரிபட,

பக்குவம் பெற்றதோ, மனது ?

** பிரியமுடன் நான் **

தவிப்போடு..

பல பல பிரியங்களுடன்,

அவனின் நினைவுகளில்,

சற்றே காமம் கலந்து,

கனவுகளில்,

மிதக்கிறாள்,

அவள்...

**

அவள்...

அழகியலின் உச்சத்தில் மிதக்கும்,

புது மண பெண்..

**
புதிய உலகை,

தரிசிக்க,

அவனின் அருகாமை,

எதிர்பார்த்து,

தவிப்போடு,

முதலிரவில் காத்திருப்பு,

தொடர்கிறது,

காலம் காலமாக..

** காதல் இனிது **

** காதல் இனிது **

அழகிய ரோஜா, இதழ்களை,

ஒன்றிணைத்து,

கோர்க்கப்பட்ட அவளின்,

அழகிய உதடுகளுக்கு,

மிக அருகில்,

நிறுத்தி,

காதலிக்க துவங்குகிறான்,

அவன்..

**
அவன் காதலன்,,

ஆண்மை அங்கே,

சற்றே தலையில் கனம் ஏற்றியபடி..

மிதக்கிறது உற்சாகத்தில்..

**
பெண்மை,

ஏனோ தவிப்பாய்,

சற்றே பயம் கொண்டு,

வெகுவாய் மகிழ்வு கலந்து..

** காதல் இனிது **

Friday, 21 September 2012

தவமாய் தவம்

செயல்பட மறுக்கிறது,

மனது..

அரைமணி நேரத்தில்,

நான்கைந்து சிகரட் பிடித்தாயிற்று.

**
ஒரு படபடப்பு,

தவிப்பு,

இனம் புரியா மகிழ்வு ,,

எனை சுற்றி.

**
எனை கண்டதும்,

அழகாய் தலைகுனிந்து,

மர்ம புன்னகை புரிந்ததை கண்டு,

மனம் தட்டு தடுமாறி,

செயலற்று கொண்டு இருக்கிறது..

**
தவமாய் தவம் இருக்கிறேன்,

அந்தி சாயும் நேரம் வரை,

காத்திருந்து உன்னை மீண்டும்,

தரிசிக்க..

**
காதல்.. அழகிய காதல்..

**

பிரபஞ்சம் ரசிக்கிறேன்

ஏதுமற்று,,

வெற்று சதை பிண்டங்கள்,


ஒன்றிணைந்த உடல்,



என்னும் விந்தை பெயரில்,

வானம் பார்த்தபடி,,


பிரபஞ்சம் ரசிக்கிறேன் ..


**

'நான்' ஏதுமில்லை.

இந்த பிரபஞ்சம் நிரந்தரம்,,


நான்(ம்) பிரபஞ்சத்தின்,,


அழிவு பொருட்களில் ஒருவன்(ர்) ..


**

வானம்,,

கருமை நிறமாக,


முழு நிலவின் உதவியோடு,


மர்ம புன்னகை வீசியபடி,,


எக்காளமாய்,,


எனை பார்த்து சிரிப்பதை போல,


உணர்வு..


**

ஆம்,

பிரபஞ்சம் சிரிக்கிறது,


நம்மை அல்லது என்னை பார்த்து..

நானற்று

நானற்று,

நாமாக இயங்கிய நாட்களின்,

மகிழ்வுகள்,

சற்றே சுயநலம் கண்டு,

நானாக மாறியபோது ,

தொலைந்தனவே..

**
'நான்' என்ற ஆணவம்,

என்னை சிறுமை படுத்தியதென்ன..

வீழ வைத்ததென்ன.

**
'நாம்' என்ற வலிமையின்,

அர்த்தம் புரிந்ததே இன்று.

மீண்டும்,,

'நாம்' ஆக மாறும் கனவில்,

'நான்' இயங்குகிறேன், தற்போது..

சமூகம்..

நான் சீரற்று,,

இயங்குவதை போல,,

ஒருவித வெறுமை, குழப்பம் சேர்ந்து,

கழிகிறது ,

சமீப காலங்கள்..


**

என்னை பற்றிய தவறான ,

எண்ணங்கள் பரவுவதை போலவும்,


ஒரு பிரமை..


**

தேவையின்றி அளவுக்கதிகமாக,,

பிறரால் கவனிக்கப்படுவதை போன்று,,


உணர்கிறேன்..


*

இங்கு பிறர் என்பது சமூகம்..

காதல்.. அழகிய காதல்....

மலர் வனத்தில் ,,

அழகிய நறுமணம் வீசும்,


மலராக நீ..


உனக்கு தெரியாது,,

உன் பின்னே ஒளிந்தபடி,


தென்றலாய் நான்..


**

காதல். அழகிய காதல்.
 
*****************
இனியும்

கடக்கிறது ,,


தொடர்கிறது,,


வாழ்க்கை..

காதலெனும் அன்பு பிடியில்,,


ஆயுள் முடிந்த பிறகும்..


**

காதல்.. அழகிய காதல்..

**
 
***********************
அழகிய சிறுகதையாய் நீ,

அதன் சின்னஞ்சிறு,,


ஓவியமாய் உன் அழகு..


ரசித்து படிப்பவனாய் நான்..

**

காதல்.. அழகிய காதல்..
**
 
**************************
 
மெல்லிய கோட்டின்,

இருபுறமும்,,

தவிப்பாக,,

காத்திருக்கிறோம்,,

காதல் என்னும்,,

அந்த மெல்லிய கோட்டை,,

தாண்டிட..

**
தவிப்பான, தயக்கங்கள்,,

தடை கற்களாய்,,

தொடர்கின்றன..

**
காதல்.. அழகிய காதல்.
**
 
 
 

காதல்..

காதல்,.

கருகிய கனவுகளோடு,,


பாலையில் வீழ்ந்து,


வலிக்கும் நினைவுகளோடு ,

இறுதிவரை தொடரும்,


நிசப்த தனிமை..


**

காதல்.. நினைவின் பிடியில்.
**
**************************************
காதல்..

அர்த்தம் பொதிந்த,,


துயர பார்வைகளில்,


நீண்ட நாள் கழித்து,

எதிர்பாரா சந்திப்புகள்,


பிரிவின் வலிகளோடு..


** காதல்.. தீரா காதல்.. நினைவுகளோடு.. **
 
*********************************************
 
நீ ..

நான்..


அன்பு..


இளமை..

காதல்..


உறவு..


புனிதம்..


வாழ்க்கை..


அந்திமம்..


பிரிவு..


தனிமை..


பிரிவு..


தீரா துயரம்..


தீரா நினைவலை..


**

காதல்.. அழகிய காதல்..
 
**
காதல்..

அனல் தெறிக்கும்,,


மதியத்தின்,


ஆலமரத்தின் நிழல்..

**

காதல்.. அழகிய காதல்..

**
 ************************************************
மனதும் மனதும்,,

ஒட்டி கொண்டு,,

அன்பின் பிடியில்,,

காதல் இறுக சேர்ந்தபோது,

அன்பை தவிர,,

சிதறி ஓடின,,

மதங்களும்,

மொழிகளும்,,

இன்னபிற அடையாளங்களும்..

** காதல்.. அழகிய காதல் **
 
 

Tuesday, 11 September 2012

மனது என்றொரு மாய சக்தி,,

மனது என்றொரு,,

மாய சக்தி,,

தீரா நினைவலைகளை ,,

கொண்டு ,,

பின்னிரவின் ஆழ்ந்த உறக்கத்தை ,,

தடை செய்வதே,,

வேலையாக கொண்டிருக்கிறது.

***
மீண்டும், பின்னிரவின் ,,

நித்திரை கலைந்த தனிமையில்,,

வானம் பார்த்தபடி,

தனிமை தவம் இருக்கிறேன்,,

இல்லாத இறைவனை நினைத்து..

நான்..

எனக்கான விருப்பத்தை,,

சற்றே தியாகம் செய்து,,


சூழலின் நிர்பந்தத்திற்காக,,

வேறு விதமாக வாழும்,, பல மனிதரை போல,,

வாழ்ந்து கொண்டிருக்கும்,,

எளிய மானிடன்..

நான் அவ்வளவே..
**************************************************8
 நான்,,

சூழலின்,, சமூகத்தின் ,,

பார்வையில் அற்பமாக நினைக்கபட்டவன்,

வீழ்ந்த ஒரு நாளில்..

**
இந்த சமூகம்,, அத்தனை எளிதில்,

என்னை வாழ விடாது என்று,,

நன்றாகவே தெரிந்து வைத்திருக்கும்,,

ஒரு எளிய மானிடன்.. நான்

ஞானி..

ஞானி,

என்பவன், முற்றும் துறந்தவன் அல்ல..

வாழ்வியல்,, தத்துவம் அறிந்தவன்..

**
ஞானி..

பற்றற்றவன்.

உள்ளது உள்ளபடி,,

உண்மைகளை புரிந்து வைத்திருப்பவன்..

**
ஞானி..

அடக்கம் என்றொரு ஆயுதம் கொண்டவன்..

வெற்று ஜம்பம் பேசாதவன்.

**
ஞானி.

பகைவனுக்கும் உதவி செய்பவன்.

**
ஞானி.

கடவுள் அல்ல..

மனிதன்..

உணர்ந்த மனிதன்..

தெளிந்த மனிதன்..

மனிதம் கொண்ட மனிதன்..

**
பகட்டான போலி வாழ்வு வாழும்,,

இன்றைய போலி ஞானிகள் உலகில்,,

இந்த எளிய ஞானிகளை காண்பது சிரமமாக இருக்கிறது...

**
எளிய ஞானிகளை இனம் கண்டு,,

வணங்குவோம்.. என்றும்..

** வாழ்க வளமுடன் **.

Wednesday, 29 August 2012

அன்றொரு நாளில்..

அன்றொரு நாளில்,,

நான் பள்ளி சிறுவன்..

இன்றைய சிறார் போல அல்ல,

அன்று,,

என் போன்றவர்கள் எல்லாம்,,

பள்ளி இறுதி வரையில்,,

குழந்தைகளாகவே இருந்த ஒரு காலம் அது..

**
அன்றெல்லாம்,,

என் அறையில்,, இரவு உறக்கத்தில்,

கண்ட கனவுகள்,

ஒவ்வொன்றும் ஒரு பொக்கிஷம்..

**
கனவுகள் வராத,,

நினைவு இரவுகளில்,,

என் உடல் மட்டும்,,

படுக்கையில் இருக்க,,

நான் மெல்ல பறந்து,,

ஜன்னலின் வழியே,,

வெளியேற முற்பட்டதுண்டு..

**
அவ்வப்போது,,

சிறுவனாகிய என்னை,,

இறைவன் அழைப்பார் போலும்..

இன்றும் நினைவிருக்கிறது,,

உடல் இருக்க,,

நான் மட்டும் அந்தரத்தில் உலவியது..

**
நான் மனதார நேசித்த,

என் நண்பனின் தந்தை,,

இறந்தபோது கூட,,

அதே வினாடிகளில்,,

அவர் என் கனவினில் வந்து சொல்லி,,

சென்றதும் நினைவிருக்கிறது..

அன்று குழந்தை உள்ளத்தோடு இருந்தேன்.

அதனால்தானோ அந்த சம்பவங்கள்.?

**
இன்று,, ?!!

கனவுகள் வருகின்றன,

வெறும் பயங்கர கனவுகள்.,,

சர்ப்பம் எனை தீண்ட,,

பிறிதொரு கனவில்,,

நடுநிசி பேய்கள் எனை துரத்த,

நான் எங்கோ தடம் மாறி விட்டேன் ,,

என்று புரிகிறது,, இப்பொழுது..

**
ஆம்,,

அறநெறி வாழ்விலிருந்து,,

சற்றே எங்கோ சறுக்கி இருக்கிறேன்..

அதன் விளைவுதான்,

இன்றைய துயரங்களும்,,

பயங்கர கனவுகளும்.

சிறு புள்ளியாய் நான்......

பின்னிரவின்,,

நிசப்தம் சிலிர்த்தது....

உடல் கோரை பாயில் படுத்திருக்க,,

வானமே கூரையாய்,

மொட்டை மாடியில்,,

உறக்கம் தடைபெற,,

விழித்திருந்தேன்..

**
வானம்,

கருமை நிறத்தோடு,,

எண்ணற்ற விண்மீன்களை,,

தன்னுள்ளே கொண்டு,,

வட்ட நிலவையும்,,

தனக்குள்ளே வைத்து,,

மெல்லிய வெளிச்சத்தால்,,

என்னையும்,,

பூமியையும் ஒருசேர,

நனைத்து கொண்டு இருந்தது..

**
நான்,,

மனம் நிறைய கேள்விகளோடு,,

வானம் பார்த்தபடி,,

ஓரளவிற்கு பிரபஞ்சம் அளந்தபடி,,

கண்ணில் தெரியாத,,

சிறு புள்ளியாய்,,

புரண்டு கொண்டிருந்தேன்,,

**
பிரபஞ்சத்தில்,,

கலந்துவிட போகும்,,

இந்த உடலோடு,,

இந்த ஆன்மாவும்,,

ஏனோ சோர்வுற்று இருந்தது,,

விடை அறியாது..

கதைகள் பேசியபடி

அந்தி பொழுதில்,,

அவர்கள்,

வெளிநாட்டு குளிர்பானங்கள்,,

வெளிநாட்டு உணவுகளோடு,,

கடற்கரையோர பளபளக்கும்,,

உணவகங்களில்,,

கை நிறைய சம்பளம் பெரும்,,

இளைஞர்களும் ,,

இளைஞிகளும்,,

காதலித்தபடி,,

அல்லது,,

கதைகள் பேசியபடி,

உலகை மறந்து..

மகிழ்வோடு இருக்கிறார்கள்..

வாழ்த்துக்கள்..

****
அங்கே,,

கொட்டடி சாலைகளில்,,

அடைபட்டு,

வீடிழந்து,, எல்லாம் இழந்து,,

சதைகள் பிய்ந்து,

வலிகளோடு,,

கதறல்களோடு,,

போராடும் இளைஞர்கள்,

இளைஞிகள்,,

மற்றும் முதியோர்..

இவர்களுக்கு வாழ்க்கையே போராட்டம்.

கை கொடுப்பார் யாருமில்லை..

**
அவர்களுக்கோ,,

எதை பற்றியும் கவலை இல்லை.

கை நிறைய சம்பளம்,,

தன் வாழ்க்கை,,

காதல் என்ற பெயரில்,,

அழகிய பெண்ணோடு சிநேகிதம்,,

பொழுதுபோக்கு என்றபடி..,

கழிகிறது அவர்கள் பொழுது.

**
இவர்கள் கேள்விக்குறிகளை சுமந்தபடி.

உலகெங்கும் இந்த வேறுபாடுகள்,,

நிறைந்திருக்கின்றன..

**
அப்பட்டமான சுயநல பதவி,, இன வெறி,,

பிடித்தவர்களும்,,

ஊழல் செய்து சொத்து சேர்பவர்களும்,,

அரசியல்வாதிகளாக இருக்கும் வரை,,

தொடர்ந்து இந்த வேறுபாடு இருந்து கொண்டேதான் இருக்கும்..

இந்த வேறுபாடுகள்தான்,,

அரசியல் பிழைப்போரின் பிழைப்பிற்கு வழி..

**
அரசியல்வாதிகள்..

என்றுமே வெறுப்பிற்கு உரியவர்களே,,

இந்நிலை தொடர்ந்தால்..

ஒற்றை மனிதனாய்...

சிறு தூறலில் இருந்து,,

விலகி சென்று விட்டேன்..


நானாகவோ,,


இல்லை எதுவோ,,

என்னை அகற்றி விட்டது,,


அங்கிருந்து..


**

கொடியதொரு, வெற்று ,,

வனாந்திரத்தில்,,


தகிக்கும் சூரிய கதிர்களின்,,


சித்திரவதையை,,


உள்வாங்கி கொண்டே,,


சர்ப்பங்கள் நர்த்தனமாட,,


ஒற்றை மனிதனாய்,,


தூர தெரியும்,,

பசுமை பள்ளத்தாக்கை,,

பார்த்தபடி ,,

நின்றுகொண்டிருக்கிறேன்,,

முன் செல்ல வழியின்றி..

உருவமற்ற மனது,

சிறிதாய் சிறிதாய்,

உதிர்ந்து கொண்டிருக்கிறேன்.

உருவமற்ற மனது,,

மெளனமாக தவிக்க,,

மெல்ல அத்திசை கண்டு,,

அவள் வருகை எதிர்நோக்கி,,

காத்திருக்கிறேன்,,

என் காதலின் பதிலுக்காக,,

**
காணவில்லை,

இன்றுவரை,,

*
இருப்பினும்,

நம்பிக்கை கொண்டு,,

காத்திருக்கிறேன்,,

நடுத்தர பருவம் ,,

தீர்ந்த பின்னும்..
 
 
*காதல்.. அழகிய காதல் *

நான்...

நான்...

சுயநலம் அற்று,,

கள்ளம் அற்று,


கபடு அற்று,,

சிரித்த முகம் கொண்டு,,

உலவியதால்,,

கள்ளம் கொண்ட,,

வஞ்சம் கொண்ட,,

மனிதர் சிலரால்,,

ஏமாற்றப்பட்டவன்.
 
****
 
நான்,,

ஒரு பிம்பம் ,,


அல்லது,,


வேறு எங்கோ,,

எதுவோ,,


இயக்க ,,


இங்கே இயங்கும் ,,


அற்ப இயந்திரம் போல,,


நான்...


அவ்வளவே நான்..
 
***
நான்..

அன்றொரு நாளில் ஏதுமற்றவன்,,


ஏதும் அற்று இன்றும்,


பிறிதொரு நாளில்,,

ஏதுமற்றவனாகவே, எங்கோ செல்வேன்..


அவ்வளவே நான்..
 
**
 

 

Thursday, 16 August 2012

கனவுகள் ...

நான் கனவுகள் பல கண்டவன்..

இந்த பரந்த உலகில்,,

நான் மட்டுமே மகிழ்வானவன்,,

என் கனவுகளில்..

**
அவ்வப்போது,

இந்த பூவுலகில் இருந்து,,

பிரிந்து,,

அவ்வப்போது வான வெளியில்,,

பிரபஞ்சத்தில் திரிவேன்..

எல்லாம் என் சிறுவயது,,

கனவுகளில்..

**
சற்றே இளைஞனாக,

உருவம் பெற்ற பின்,,

ஏனோ,,

சில உண்மை கனவுகள்,,

படை எடுத்தன..

**
என் நண்பரின் தந்தை,

இப்பூவுலகில் இருந்து,

விடைபெற்ற போது,

என் கனவினில் வந்து,,

சொல்லி விடை பெற்று சென்றார்,..

**
அப்பொழுதெல்லாம் சிறிது,,

நேர்மையானவனாக இருந்திருக்க வேண்டும்..

அதனால்தான்,

சில நேர்மையான கனவுகளை,,

கண்டிருக்க வேண்டும்..

**
பிறகு புரட்டி எடுத்த,,

வாழ்வியல் சூழலில்,,

சற்றே தடுமாற்றம் அடைந்த போது,,

விலங்குகளிடம் இருந்து,,

தப்பிப்பதே என் கனவுகளில் ,

என் முக்கிய பணியாக இருந்தது..

**
அவ்வபொழுது,,

நிஜத்தை போலவே நிகழ்ந்த,,

ஆவி கனவுகளின் பயங்கரங்கள், வேறு..

**
தொடர்ந்த நிஜ வாழ்வின் ,,

வீழ்ச்சியில்,,

கனவுகள் பயங்கரமாக உருவெடுத்து,,

சர்ப்பம் தீண்டும் அளவிற்கு,,

வலுபெற்றது..

**
சற்றே நிதானித்து,,

சிந்தித்த பொழுது,,

நான் நிஜத்தில் ,,

தெளிவாக சறுக்கி இருக்கிறேன்..

சற்றே, அற நெறி தவறி இருக்கிறேன்..

**
கனவுகளின் பயங்கரத்தின்,,

அர்த்தம் புரிந்து,,

இப்போது,

மெளனமாக இருக்கிறேன்,,

உயிர் துடிப்பின் ஓசையை மட்டும்,,

கேட்டபடி..


** வாழ்வியல்.. கனவுகள் உணர்த்தும் நெறிகள் **

முழுதாக,, மறைந்தேன்..

மெல்ல விடுபட்டேன்,,

உறக்கத்தின் பிடியிலிருந்து..

குளிர்ந்த நீரால்,,

முகம் கழுவி,,

தொலை தூரம் செல்ல,,

ஆயத்தமானேன்..

**
இந்த பின்னிரவு பொழுதுகளில்,,

தனியே சுற்றுவது,,

நிரம்ப பிடிக்கும்..

அதுவும்,,

வனம் சார்ந்த பகுதிகள் பிடிக்கும்..

**
நிச்சய ஆபத்து,,

அங்கே அந்த வனத்தினூடே காத்திருக்கும்..

இருப்பினும்,,

அங்கு செல்லத்தான் மனது,,

இந்த பின்னிரவில்,

பிரியப்படுகிறது..

**
விரைந்தேன்.,,

நகரை பின்னோக்கி நகர்த்தியபடி..

வனம் வந்தது..

**
கடும் வெப்பத்தில்,,

வியர்த்த உடலில்,

சட்டென்று அடித்த தென்றலை,,

போல ஒரு உணர்வு..

**
வெகு ஜாக்கிரதையாக,,

காலடி வைத்தேன், வனத்தினுள்..

நிதானம்,, என்னுள்ளே,

சற்றே விழிப்பும் கூட..

**
சரசரவென்ற புற்களின்,,

சப்தம் தேவை இன்றி,,

சர்ப்பத்தை நினைவூட்டியது..

பார்த்து பார்த்து ,,

நிசப்தம் கெடாது,,

என் காலடி எடுத்து வைத்தேன்..

**
மிருகங்களின் வாசனை வேறு,,

ஆங்காங்கே  உணர்ந்தேன்..

மெல்ல மெல்ல முன்னேறினேன்...

கலவையான உணர்ச்சிகளோடு,

ஒரு அடர்ந்த பகுதியை ,,

அடைந்தேன்..

**
விலங்குகளுக்கு தெரிந்திருக்கும்,,

யாரோ ஒரு மனிதன் உள்ளே,,

நுழைந்துவிட்டான் என்று..

இருப்பினும் அமைதி காத்தன,,

மனிதன் நிச்சயம் தவறு செய்வான்,,

அப்போது தாக்கி கொள்ளலாம் என்று,,

நினைத்திருக்கும் போல..

**
அடர்ந்த புதர் ஓரமாக,,

தெரிந்த சிறு சமவெளி,,

புல்வெளியை நோக்கி,,

மெல்ல முன்னேறி கொண்டு ,,

இருந்தேன்..

**
நேரம் செல்ல செல்ல,,

பின்னிரவின் இருளில்,,

வனத்தினுள்ளே,,

முழுதாக,,

மறைந்தேன்..

Sunday, 12 August 2012

தொடர்ந்த பயணத்தில்

தொடர்ந்த பயணத்தில்,,

ஜனனம் முதல்,,

பயணம் தொடர்கிறேன்...

**
தொடர்ந்த பயணம்,,

முற்று பெறும் ஓர்நாள் என்று,,

தெரியும்..

**
அந்த தெரியாத நாளை,,

நினைத்து,,

சிலிர்ப்போடு தொடர்கிறது,,

பயணம்..

அன்றே நான்...

அன்றே நான்,,

வாழ்ந்து மடிந்திருக்க வேண்டும்..

ஆம்,

அந்த காலகட்டத்தில்,,

வாழ்ந்திருக்க வேண்டும்.

**
உழைத்து வாழ்ந்த,

மக்களோடு..

மகத்தான தலைவர்கள்,,

வாழ்ந்த அந்த காலத்தில்,,

நான் வாழ்ந்திருக்க வேண்டும்.

**
ஆம்,,

சுதந்திர தீயின் போராட்டத்தில்,,

பங்கெடுத்து என் வாழ்வை துவக்கி,,

பின் நாட்களில்,,

உழைப்பை மூலதனமாய்,

நீதி நெறி கொண்ட மக்களோடு,,

பாமர வெள்ளந்தி மனிதர்களோடு,,

நான் கலந்திருக்க வேண்டும்..

**
பிறிதொரு நாளில்,

என் மனம் கவர்ந்த தலைவர்கள்,,

கக்கன்,, காமராஜர்,,

பெரியார்,

போன்ற தலைவர்கள்,,

மரணித்த போது,

நானும் மரணித்திருக்க வேண்டும்..

**
அப்படி மரணத்திருந்தால்,,

நிம்மதியாக பிரபஞ்சத்தில் ,,

உறங்கி கொண்டிருக்கும் என் ஆன்மா..

**
அந்த நல்ல தலைவர்கள்,,

மறைந்த பின்னே,,

பிறந்து,,

இன்றைய விஞ்ஞான உலகத்தில்,

நேசம் தொலைத்த மனிதர்களோடு,,

கலந்து,,

ஊழல் அரசியல்வாதிகளின் செய்திகளை,

படித்து கொண்டே,,

வாழும் கொடுமையை,,

அனுபவித்து இருக்க கூடாது..

**
ஏதோ பாவம் செய்திருக்கிறேன்,,

முற்பிறவியில்,,

அதனால்தான்,

நல்ல மனிதர்கள் எல்லாம் ,

மறைந்து போன பிறகு,,

பிறந்திருக்கிறேன் போலும்..

மரணத்திற்கு பிந்தைய நிலை..

மெல்ல..

நினைவற்றேன் சில வினாடி.


உயிரும்,, மனமும்,,


எங்கோ ஒன்றினையும்,,

புள்ளியில்,,


அமைதி கொண்டேன்..


**

'நான்' இழந்தேன்,,

என் சொல் இழந்தேன்,,


புவி இழந்தேன்,,.


**

எதுவுமற்று,,

மனதும்,, உயிரும் இணைந்த,,


அந்த புள்ளி பிரதேசத்தை,


வெறுமையாய்,,


சலனமற்று,,


வெற்றிடமாக மாற்றி கொண்டேன்..


**

சில வினாடிகள்,,

சில நிமிடங்களாக மாறி,,


சில நிமிடங்கள்,,


சில மணி நேரமாக கழிந்த பின்,,


மெல்ல,,


புவிக்குள் இறங்கினேன்..


**

நினைவில் 'நான்' அமர்ந்தேன்..

கண்களை அகல திறந்தேன்,,


புத்துணர்வில் நனைந்தேன்..


அந்த சில மணி நேரத்தை ,


நினைத்தேன்,,


**

நான் எதுவுமற்று இருந்த,,

நிகழ்வு புரிபடவில்லை..


ஏதும் இல்லை அப்போது..


**

சற்றே நிதானித்த பின்,

மெல்ல புரிந்தது போல இருந்தது,


இப்போது,, ,,


மரணத்திற்கு பிந்தைய நிலை.
. ,

Friday, 10 August 2012

அவர்களுக்கு, தெரியவில்லை

அவர்களுக்கு, தெரியவில்லை..

பிழைக்க தெரியவில்லை..

சொத்தும் சுகமும்தான் பெரியது,,

என்று எண்ணவில்லை..

**
அவர்கள் பாவம்,,

கள்ளம்,, கபடு, சூது, அறியாது,,

வாழ்ந்து சிறை சென்று,,

கொடுமைகளை அனுபவித்தார்கள்..

**
இன்றுள்ளவர்களை போல,

சொத்து சுகம் என்று அனுபவிக்க தெரியவில்லை,.

தன் குடும்பம்தான் பெரிதென எண்ண தோன்றவில்லை..

பாவம் அவர்கள்..

இருந்த ஒரே வாழ்க்கையையும்,,

சுதந்திர போராட்டத்திற்காக தியாகம்,

செய்து விட்டார்கள்.

**
பாவம் அவர்கள்..

இந்த மக்களை பற்றி தெரியவில்லை..

இப்படிப்பட்ட அரசியல்வாதிகளைத்தான்,,

தேர்ந்தெடுப்பார்கள் என்று,,

அன்றே தெரிந்திருந்தால்,,

பாவம் அவர்கள் வேலையாவது பார்த்திருப்பார்கள்..

**
எது எப்படியோ..

அந்த முகம் தெரிந்த,, தெரியாத,,

சுதந்திர போராட்ட தியாகிகளை..

அவர்தம் தியாகங்களை,,

மக்களாகிய நாம் கொச்சை படுத்திவிட்டோம்..

**
ஆம், தவறு நம்மேல்தான்..

அரசியல்வாதிகளை குறை கூறி,,

இனி ஒன்றும் ஆக போவதில்லை..

*
வாழ்க சுதந்திரம்..

சாதாரணமானவர்கள்

இன்னும் சில தூரம்,,

முடிந்து விடும் வாழ்க்கை..


**


உடலற்ற ஆன்மா,,

பரந்து விரிந்த பிரபஞ்சத்தில்,


ஆனந்தமாக திரியும்..


**

இங்கே,,

வாழ்ந்த காலத்தின் ,,


அழியாத நினைவுகளோடு,,


நேசம் கொண்ட உறவுகள்,,


வாழ்ந்து கொண்டு இருக்கும்,,


**

இந்த பிரபஞ்சத்தின்,,

ஒரு கோடியில் இருந்து,,


மறு கோடி வரை,,


ஆன்மா அலைந்து திரிந்து,,


மீண்டும் பிறப்பெடுக்கும்,


ஓர்நாள்...


**

அது,,

உடலோடு,


மனிதனாகவோ,,


அல்லது விலங்காகவோ..


அல்லது,,


ஆன்மா, மரித்தும் போகலாம்..


**

இறுதியில்,,

நான் இல்லை..


எதுவும் இல்லை..


உயிர் இல்லை,,


உடல் இல்லை,,


ஆன்மா இல்லை..


**

நாம்,,

ஏதோ ஒரு சக்திக்கு,,


கட்டுப்படும்,,


மிக சாதாரணமானவர்கள்..

துயரம் சூழ்ந்த பின்

மனம் நிறைய,,

துயரம் சூழ்ந்த பின்,,

வலியுற்று வீழ்ந்த பின்,,

வறுமையோடு இணைந்த பின்,,

சுற்றம் நம்மை விலக்கிய பின்,,

கண்ணீர் கூட இன்றி கண்கள் காய்ந்த பின்,

தத்துவ மேதையும் ,,

அர்த்தமுள்ள கவிஞனும் ,,

ஜீவனுள்ள எழுத்தாளனும்,

சிரிக்க வைக்கும் அற்புத கலைஞனும்,,

பிறப்பெடுக்கிறான்..

வேதனையில் மரங்கள்..

பதட்டம் தொடர்கிறது ..

தன் இனம் தொடர்ந்து,


அழிக்கப்பட்டு வருவதை கண்டு,,


வேதனையில் இருக்கின்றன மரங்கள்..

இருப்பினும் துயரம் தொடர்கிறது..


மனசாட்சி அற்ற,,


மரம் வெட்டி மனிதர்கள் மீது,,


கடும் கோபம் கொண்டிருக்கின்றன,,


நிழல் தரும் மரங்கள்.

* மறவேன் என்றும் *

என் சின்னஞ்சிறு வயதில்,,

என்னருகே வாழ்ந்த,,

வயதான பெரியவர்கள்,,

மரணித்த நாட்கள்,,

நினைவில் வருகிறது..

கண்கள் கலங்க,,

அருகில் நின்றவர்கள் நினைவிற்கு,,

வருகிறார்கள்..

**
அன்றைய பெரியவர்கள்,,

என் போன்ற குழந்தைகளிடம்,,

பழகிய விதம் நினைவிற்கு,,

வருகிறது..

**
அவர்களுக்கு தெரிந்த அறிவுரை எல்லாம்,

முடிந்த வரை புராணங்களில் இருந்துதான்,,

வரும்..

**
அவர்கள் வாழ்ந்த விதம்,,

அவர்கள் பேசிய விதம்..

அவர்கள் பழகிய விதம்,,

எல்லாமே,

அழியாத என் நினைவு பொக்கிஷங்கள்..

* மறவேன் என்றும் *

Saturday, 4 August 2012

காற்றே நீ போ

அம்மா..

மொட்டை மாடியில்,,

துணி உலர்த்தி கொண்டு இருந்தாள்..

காற்றில் படபடத்தன,,

துணிகள்..

**
பறந்து செல்ல எத்தனித்த துணிகளை,,

போராடி,,

உலர்த்தி கொண்டிருந்தாள்..

அருகில் நின்றிருந்த,,

அவளின் இரண்டரை வயது அன்பு மகனுக்கு,,

தாய் சிரமப்படுவதை கண்டு,,

வருத்தம்..

**
வருத்தம் கோபமாக மாறி,,

சுழற்றி அடித்த காற்றை நோக்கி,,

' காற்றே நீ போ,,

கிட்ட வந்தே தொலைச்சுடுவேன் "

என்று காற்றை மிரட்டி ,,

காற்றுடன் போராடினான்..

**
இதை கண்ட தாய்க்கு,,

அப்படி ஒரு மகிழ்வு..

மகனின் மீது..

****
பி.கு :

என் வீட்டில் நடந்த நிகழ்வு இது..
**