சிறு புள்ளியாய் நான்......

பின்னிரவின்,,

நிசப்தம் சிலிர்த்தது....

உடல் கோரை பாயில் படுத்திருக்க,,

வானமே கூரையாய்,

மொட்டை மாடியில்,,

உறக்கம் தடைபெற,,

விழித்திருந்தேன்..

**
வானம்,

கருமை நிறத்தோடு,,

எண்ணற்ற விண்மீன்களை,,

தன்னுள்ளே கொண்டு,,

வட்ட நிலவையும்,,

தனக்குள்ளே வைத்து,,

மெல்லிய வெளிச்சத்தால்,,

என்னையும்,,

பூமியையும் ஒருசேர,

நனைத்து கொண்டு இருந்தது..

**
நான்,,

மனம் நிறைய கேள்விகளோடு,,

வானம் பார்த்தபடி,,

ஓரளவிற்கு பிரபஞ்சம் அளந்தபடி,,

கண்ணில் தெரியாத,,

சிறு புள்ளியாய்,,

புரண்டு கொண்டிருந்தேன்,,

**
பிரபஞ்சத்தில்,,

கலந்துவிட போகும்,,

இந்த உடலோடு,,

இந்த ஆன்மாவும்,,

ஏனோ சோர்வுற்று இருந்தது,,

விடை அறியாது..